వైయస్ఆర్ సున్నా వడ్డీ పంట రుణాలు::
ముఖ్య ఉద్దేశం:-
- రైతులు తీసుకున్న పంట రుణాల పై పూర్తి వడ్డీ మాఫీ చేయడం.
- పెట్టుబడి ఖర్చు తగ్గిస్తూ, ఆర్థిక వెసులుబాటు కల్పించడం.
- అప్పుల ఊబిలో చిక్కుకోకుండా ఎక్కువ మంది రైతులకు సంస్థాగత రుణాలను అందించడం.
ప్రయోజనాలు:-
- లక్ష రూపాయల వరకు పంట రుణాలు తీసుకొని సకాలంలో చెల్లించిన రైతులందరికీ పూర్తి వడ్డీ రాయితీ.
- ప్రతి ఏటా పంట సీజన్ ముగిసే సమయానికి రైతుల బ్యాంకు ఖాతాల్లోకి వడ్డీ డబ్బులు జమ.
- రైతులు సకాలంలో రుణాలు చెల్లిస్తే చాలు, వడ్డీ చెల్లింపు బాధ్యత పూర్తిగా ప్రభుత్వానిదే.
- ఈ- క్రాప్ ఆధారంగా రైతులకు సకాలంలో పంట రుణాలు అందించడం.
- నిర్ణీత వ్యవధిలోగా రుణాలు చెల్లించేలా ప్రోత్సహించడం.
- గత ప్రభుత్వం చెల్లించకుండా వదిలేసిన సున్నా వడ్డీ బకాయిలు అన్నింటినీ జగనన్న ప్రభుత్వమే చెల్లించింది. అర్హతలు
- రుణం తీసుకుని ఏడాదిలోగా వడ్డీతో సహా మొత్తం చెల్లించిన రైతులు మాత్రమే ఈ పథకానికి అర్హులు.
- ఇప్పటికే అమల్లో ఉన్న కేంద్ర ప్రభుత్వం వడ్డీ రాయితీ పథకం, కిసాన్ క్రెడిట్ కార్డు పథకం నిబంధనలకు అనుగుణంగా అర్హతా ప్రమాణాలు ఉంటాయి.
- రాష్ట్ర ప్రభుత్వం నేరుగా నగదు బదిలీ పొందే సౌకర్యం ఉన్న రైతుల బ్యాంకు ఖాతాలకు వడ్డీ సొమ్మును జమ చేస్తుంది.
వడ్డీ చెల్లింపు విధానం:-
- పంట రుణాల పై సున్నా వడ్డీ పథకం కింద రాష్ట్ర ప్రభుత్వం 4 శాతం వడ్డీ చెల్లిస్తుంది.
- అసలు, వడ్డీ ని రైతు చెల్లించి నట్టు జాబితాలు తయారు చేసి ఆయా బ్యాంకులు లేదా నోడల్ బ్యాంకు శాఖలు వ్యవసాయ శాఖ కమిషనర్, డైరెక్టర్ కార్యాలయానికి పంపుతాయి.
- వీటి ఆధారంగా వ్యవసాయ శాఖ కమిషనర్ వడ్డీ సొమ్మును నేరుగా రైతుల ఖాతాకు జమ చేస్తారు. ఇందుకోసం వ్యవసాయ శాఖ ప్రత్యేకంగా http://ysrsvpr.gov.in వెబ్ పోర్టల్ ను ఏర్పాటు చేసింది.
ఇతర ప్రయోజనాలు:-
- ఈ – క్రాప్ ద్వారా వాస్తవంగా ఏ రైతు ఎంత విస్తీర్ణం వరకు పంట సాగు చేస్తున్నారో తెలుసుకునే అవకాశం కలిగింది. రైతులకు మరియు వాస్తవ సాగు దారులకు పంట రుణాల పై సున్నా వడ్డీ పథకం ద్వారా ఏ సీజన్ కి ఆ సీజన్ లోనే సజావుగా ఆర్థిక లబ్ధి చేకూరుతున్నది.
- నేరుగా రైతుల పొదుపు ఖాతాలకు వడ్డీ రాయితీ సొమ్మును సకాలంలో బదిలీ చేయడం ద్వారా జవాబుదారీతనం పెరిగింది.
- లబ్ధిదారుల జాబితాను సామాజిక తనిఖీ (సోషల్ ఆడిట్) కోసం రైతు భరోసా కేంద్రాల వద్ద ప్రదర్శించడం ద్వారా పారదర్శకత ఏర్పడింది.
- పంట సాగు రుణాలను సకాలంలో చెల్లించని రైతులలో చైతన్యం కలిగి ఈ పథకం ద్వారా ప్రయోజనాలను పొందడానికి వీలు కలిగింది.
ఇతర వివరములు:-
- రైతులకు వడ్డీ లేని పంట రుణాల కోసం దగ్గరలోని రైతు భరోసా కేంద్రాలలో సంప్రదించవచ్చు.
- సహాయం మరియు ఫిర్యాదుల కొరకు టోల్ ఫ్రీ నెంబర్ 155251 ను సంప్రదించండి.
